عائلة عامر فاخوري تدّعي على ايران.. والرئيس ميشال عون في نصّ الدعوى!
شارك هذا الخبر
Saturday, October 9, 2021
نص مداخلة ابنة الشهيد، السيدة غيلا:
لَيْ رفعنا دعوى عَ إيران..؟ الفكرة أخَدناها من عامر فاخوري نفسو. مِن بَعد ما أُطلِق سراحو كتب عَلى صفحتي عَ تويتر: “المشكلة في لبنان هي المنظومة الإيرانيّة المتحكّمة بمفاصل الدولة اللبنانيّة”. ما عاد مخبّا عَ حدا إنّو لبنان قراراتو محتلّتا إيران، وإذا رفعنا دعوى على لبنان، كتير هيني يهربوا المجرمين من الحساب ويبرّروا أعمالُن القَذِرة ويقولوا إنّو قرارُن مسلوب ومش بإيدُن. بقضيّتنا مساقبي إنّو الراس بإيران والدنب بلبنان، بس هيدا ما بيعني إنّو رح نِسكُت أو رح ننسى يلّي بلبنان. غُلطوا غلطا كبيري لمّا أخدوا شخص بريء، ووطني، إسمو عامر فاخوري، رجع عَ لبنان لأنّو اشتاق لترابو للبنان. لمّا خطفوه لعامر فاخوري كان إنسان متواضع، هلّأ صار قضيّة، وورا هيدي القضيّة دَولة عُظمى إسمها أميركا. الملفّات اللي تركّبتلو لعامر فاخوري من النظام المٍحتلّتو إيران، محاكم أميركا رح تردلّو حقّو فيها، وكمان بنفس الوقت بْتخدُم الشعب اللبناني المُحتَل بالتقية، وبِتْبرهِن لبعض الدول، اللي ما بدها تشوف، إنّو حزب الله مسلح ومُحتَلّ.
