سمير سكاف - نحنا مختلفين، بس ما في لزوم نكون مختلفين!
شارك هذا الخبر
Monday, December 9, 2019
لما يقوى واحد منا، نحنا دغري منقوى كلنا. وإذا بيضعف واحد منا، نحنا دغري منضعف كلنا! هلاء مش وقت القسمة ولا وقت الخلاف، ولا في معنا وقت حتى اليوم نخاف. ما مننوجع متل بعض، بس متل بعض موجوعين! ما منقهر متل بعض، بس متل بعض مقهورين! ما عنا ذات المطالب، بس نحنا سوى عم نطالب... بالعلم! هني مركزين علينا، واليوم نحن مركزين... علينا! منشان هيك هني مرتاحين. وعالسؤال الصعب: بكرا شو عاملين؟ الجواب: عم نعمل بكرا... يعني مكملين!
ما كان فينا نحلم، صار الحلم نحنا!! والحلم الما كان مسموح، مش مسموح بقى ما يكون! لانو أي خلاف هوي فعلا ضرب جنون!
ظبطو البوصلة... مش الهدف هوي السلطة، بس السلطة هي الهدف!
