مارك الغريب: وين تطبيق الخطط يلّي صرعتونا فيها و وعودكم الكاذبة؟
شارك هذا الخبر
Friday, October 18, 2019
كتب مارك غريب عبر فايسبوك: #هويّتي_وطني -بلّش البلد بهذا الطريق الغير منسجم مع نفسه، اَي شي مبني على باطل يبقى باطل - قانون انتخابات غير ملائم للبنانيين بس ممتاز للأحزاب و الزعامات المزيّفة - تحالفوا الأخصام ببعض الدوائر و بالأخرى بقيو أخصام - بعد الانتخابات الخصوم رجعو أخصام بس بنفس الوقت تحالفو على الشعب بجلوسهم كجسم واحد في الحكومة التعيسة مع اجندا مين بينهب اكثر - وصلو و قعدو على الكراسي و لم نلاقي فيهم ولا مخلوق له حسّ الانتماء بوطنه بل حسّ الملوكيّة اكثر من الملك - وينكم يا نوّاب الاُمة؟ وين وجودكم من طرابلس الى كل المناطق اللبنانيّة؟ غير أنكم ازلام عند كل مين رشّحكم على قائمته. - حان الوقت و الشعب فاق لولا شوي مأخّر بس الأهم الحساب لهكذا ساسة بعيدين عن الحسّ الانتماء الوطني... كمواطن طرابلسي بدّي اسأل وينكم يا نوّاب طرابلس؟ وين ساكنين و شو عملتوا للبلد من نهار انتخابكم ؟؟؟ غير عشا و غذا و عزا و عرس؟ وين تطبيق الخطط يلّي صرعتونا فيها و وعودكم الكاذبة؟ التغيير قادم لمشاركة غير حذبيّك او تبعيّة سياسيّة و لغير سياسيين مستزلمين لأي فريق سياسي او خط سياسي معيّن... #هويّتي_وطني (بصفة شخصيّة - مواطن طرابلسي)