نشرت صفحة "طلاب لبنان" عبر "فيسبوك" صورة لتلميذ قالت إن "والدته لديها جمعية خيرية لإطعام الفقراء، تعرض للتنمر من احدى المعلمات التي قالت له:مش حيطلع من أمرك شي، خلي إمك ملتهية بجمعيتها".
وقد طالبت صفحة "طلاب لبنان" من يعنيهم الأمر في وزارة التربية بمحاسبة تلك المعلمة وكل ما يمارس التنمر والازدراء بحق التلاميذ.
وكانت والدة التلميذ نشرت عبر صفحتها على فيسبوك "انا كمان "جعت" ana kamen je3t avec Rita boulos طريقنا السما"، المخصصة لاطعام الفقراء ما يلي:
"ابني
"مش حيطلع من امرك شي .. خلي امّك ملتهية بجمعيتها"
-طب أمّي لي ع يجيبوا سيرتك كل يوم ؟!!!
ابني قرر ما يعمل الفحص ويعبّر عن الغضب اللي جواته بهالطريقة بالمدرسة !!! يخرطش عحاله !!
يمكن اي يا ماما ما يطلع من امرك شي .. بس بأكدلك الانسان المتعلم اذا ما في بقلبه الرحمة اللي بقلبك ..ما بيقدر يعمل شي بهالحياة الاّ شهادات عالحيطان.. بس انت يا امّي اعمالك حتكون مزروعة بالسما.. انا ما بستحي فيك !!! صليلن يا امّي وكون اكيد الغني اللي معه ملايين اذا ما عنده رحمة ما بيقدر يطعمي جوعان واحد. والفقير اللي عنده رحمة في يطعمي ملايين النّاس الجوعانة".
