وقف يا عمري وليش لاحقني ولنو شي سنة زمان فارقني من كم سني صارلي عهالطرقات بركض انا وعا طول سابقني
بتعطي العمر وبتاخد الاوقات وهمي المقاصد لا ترافقني من وين انت وشو الخطا لي عملتو انا وبدك تعاقبني، اتحرر اتركني من العادات وشي نهار من دون عمر مرقني يا ريتك بتظهر عهالشاشات وباخد انا العرض البيوافقني بمشي معك من دون تعقيدات وإنسان عادي بضل ،، صدقني وعني إذا بتشيل هالكدسات حملك تقيل وعم بيضايقني بيعد الموعد وقف الساعات وحاور قبل ما الوقت يحرقني وقول الحقيقه بدون خلفيات وكل الحقيقه لوين اخدني يما أتركني ولا ترافقني تركني لوحدي عالج الأزمات رايح عا مهلي وليش عاجقني
بلكي شي مره بتقلب الآيات عاشق انا وهالكون عاشقني
شو القصد حارمني من اللذات وضاغط عا صدري ورح ،بتخنقني
أتركني وما بدي ورا الغيمات اعرف شوناطر لا تشوقني.
مش عدل نتسابق بهالساحات وكلما جمعت سنين تسرقني مرات بنسى وبذكرك مرات ومرات بنسى ولا تفوقني لا مسافر بأيدي ولا المجيات كانت بأيدي ولا تعوقني بحب الحياة وبعشق النسمات وبعانق البعد البيعانقني وبتفلت وبركض بهالغابات وما في حدا خلفي بيلاحقني
لكن إذا فشلو التمنيات وروحي اشتاقت تاتفرقني من غير حياتك في انا عندي حياة لا بتخلص ولا عمر بدا ولا حياة ومنك انا كل التحديات قبلت وإذا بدك تخانقني
