غرد عضو تكتل "الجمهورية القوية" النائب بيار بو عاصي عبر حسابه على "تويتر": "خسرت "القوات اللبنانية" في الحرب وربحت في الحكم. ربح "حزب الله" في الحرب وفشل في الحكم. وحده العماد ميشال عون فشل في الحرب وفي الحكم".
من جهته، رد النائب زياد أسود عبر حسابه على "تويتر" على بو عاصي قائلا: "دخلك يا بو عاصي عن أي حرب عم تحكي ومع مين كانت وانتو وين؟ مش هيدي يللي قلو عنها العماد لزلمتك اذا خسرت خسران واذا ربحت خسران؟ وكان نتيجتها حبس لانو ما قدر يصدق انو خسر الحرب والمكافأة من دم المسيحيين، فصارت داني وعيلتو وكنيسة النجاة الطريق الى ربح الحكم فخسر كمان. حقد اعمى".
ليرد بو عاصي على النائب اسود بالقول: "يا أهلا بالأسود، كنت عم بحكي عن حرب المية يوم، وحرب زحلة والأسواق وكل حروب الدفاع عن المناطق الحرة يلي خضناها بشرف وبطولة. عرفت أياهن؟ أكيد لا. وعن طريق بعبدا يللي بتمر بالتحرير الفاشل والالغاء القاتل والغاء السيادة بالتحالف مع النظام السوري وحزب الله المسلح. أما مصداقية زلمتك العماد فتجلت بأبهى حللها في احترام بنود ورقة إعلان النوايا، ناهيك عن سجله الأسود أيضا في الكهرباء والاتصالات والبيئة والعلاقات الخارجية ومكافحة الفساد. الدولار بـ 10 الاف ليرة في العهد القوي وانت عم تتاجر بشهداء كنيسة سيدة النجاة. كتير أسوَد."
