ياسمين صبري تخرج عن صمتها.. ماذا كشفت عن "رامز مجنون رسمي"؟
شارك هذا الخبر
Wednesday, May 20, 2020
خرجت الفنانة ياسمين صبري عن صمتها وتحدثت عن حلقتها في برنامج المقالب الذي يقدمه الفنان رامز جلال "رامز مجنون رسمي" وأوضحت ياسمين في لقائها مع صحيفة مصرية، أن البرنامج اقتص بعض إجاباتها على الأسئلة التي وجهتها لها الإعلامية أروى خاصة المتعلقة بزوجها رجل الأعمال أحمد أبو هشيمة. وقالت ياسمين: "حلقة رامز شفتها زي الجمهور وفى حاجة اندهشت منها جداً ومش لاقية ليها أي تفسير، أنا لما اتسألت بتحبي في أحمد، جدعتنه ولا وسامته، فالحقيقة إني جاوبت وقلت بحب فيه كل حاجة يعنى ناجح وواثق من نفسه وطموح وشخصيته قوية حتى قلت إنه من وجهة نظري هو سيد الرجالة، وإن احنا بنتمرن مع بعض كتير في الجيم وفى حاجات كتير بينا مشتركة وأن هو بيضحكني".
وتابعت ياسمين: "تفاجأت في الحلقة وأنا بتفرج أن رامز والبرنامج قرر ياخد الجزء الأخير بس من إجابتي فأنا استغربت جدا أنا مفهمتش إيه الفكرة، إن إجابتي تتقص وتتاخد دى بس وقلت وبيضحكني، حتى والواو اتشالت، وضايقتني وأنا مكنتش أتوقع كدا من رامز أبدا لأني بتفرج على البرنامج بتاعه من سنين من قبل ما أكون ممثلة حتى".
