الاعلامية باتريسيا سماحة: "بابا شفتك بالساحات عم تصرخ بدك وطن حقيقي"

Wednesday, November 13, 2019

بابا وعدتني تبقى كل العمر حدي وسميتني كبير البيت ، انا بعرفك كتير منيح انت ولا مرة ما بتوفي بوعدك مبلا انت رح تبقى معي لاخر العمر

ايه بابا انا كبير البيت انا بليلة وحدة صار عمري مليون سنة ...ودمك يلي غسلني رح يخليني بطل .....شفتك بالساحات عم تصرخ بدك وطن حقيقي ، وانا رح اصرخ متلك واكتر ، كرمال امي واخواتي رح كون بي ....بعرف همومك كتير منيح ، بعرف خوفك وقهرك وكنت حاسس فيك حتى لو حاولت تخبي ...ما انا كبير البيت وبقرا بعيونك ...صوتك بقلبي بابا ...انا من اليوم رح ضب العابي وطفولتي بصندوق زغير لانو ممنوعة الطفولة بهيدا الوطن ، ورح احمل هم التغيير ورح احمل هم الوطن وهم العيلة ، بابا امي غطتلي عيوني لما شوفك مجروح وموجوع بس انا شفتك قوي متل دايما ، بس يلي مزعلني انك فليت مهموم ، عتلان همنا وخايف علينا ....بليز بابا ما تخاف نحنا مناح وانا رح خليك فخور فيي ...بكرا بتشوف

الاعلامية باتريسيا سماحة: "بابا شفتك بالساحات عم تصرخ بدك وطن حقيقي"

مقالات مشابهة

زفافٌ تحوّل الى جنازة!

مقدمات نشرات الاخبار المسائية ليوم الثلاثاء 23/4/2024

صباحًا أم مساءً.. ما هو الوقت المناسب لتناول مكملات فيتامين D؟

خطوات لمنع السرقة عبر الإنترنت

حمل الآن تطبيق الكلمة اونلاين

للإطلاع على أخر الأخبار والأحداث اليومية في لبنان والعالم