بالفيديو- مواقف مرتفعة السقف لنديم الجميّل في مؤتمر الكتائب العام!
شارك هذا الخبر

Sunday, February 17, 2019

أبرز ما حصل في مداولات اليوم الأوّل من مؤتمر حزب الكتائب كان كلمة النائب نديم الجميّل الذي كان نجم المؤتمر الكتائبي العام.
ويمكن تلخيص كلمة النائب نديم الجميّل بأمرين:

الأمر الأوّل: سؤاله عن مصدر الأموال التي يحصل عليها الحزب وكيفية صرفها. والأمر الثاني هو دعوته لانتخاب رئيسٍ للكتائب مباشرة من الكتائبيين.
أبرز ما جاء في كلمة النائب نديم الجميّل: هيدا المؤتمر قابل للطعن أمام الهيئات الحزبية، وأمام القضاء إذا لزم الأمر. وبالتالي أنا من اليوم بعلن الطعن بكلّ التوصيات والقرارات والانتخابات والتعيينات يللي بدا تصدر عنّو. مين مسؤول عن الهزائم والنكسات والفشل؟ الملائكة؟ الطليان؟ إنتو اليوم يللي عم تجدّدو لحالكن مسؤولين عن الحالة يللي بلغها الحزب. كيف مندعي الدولة إلى الإصلاح ونحنا ما منصلح بالحزب؟ كيف مندعي الدولة تكون ديمقراطية ونحنا منخنق الديمقراطية بالحزب؟ كيف مندعي للمحاسبة بالحكومة ومنرفض المحاسبة بالحزب؟ هل بتظنّو إنو الأمور راح تسلم معكم على طول؟ معاشات 5 رفاق لإلنا بالبيت المركزي، بتساوي موازنات ثلاث أقاليم أساسية، أو بتساوي موازنات إقليم الشمال والجنوب مجموعين مع بعضهم… وعن أي تقرير مالي جايين تحكونا اليوم…. وأساسًا من وين مصدر المال؟؟؟؟ بجاوبونا من متبرعين… أي متبرعين؟؟؟ لبنانيي؟ أجانب؟ أفراد؟ شركات؟ جمعيات؟ دول؟ شو الغاية من إنو هالناس عم بيتبرعوا؟ ما في جواب… بس… في تقرير مالي غير شفاف… ليش سألت عن الموازنه كمان ؟؟؟؟ لأن بيوت الكتائب مسكّرة وما فيها حياة. ونحنا من مهرجان لمهرجان… إضاءة وصوت وأجارات وديكور وفذلكات فنّية. المهمّ الاستعراض وعلى الأرض ما في شي... trompe l’oeil. وين الناس وين القواعد وين الأنصار والأصدقاء... وصلت لانه نعمل مهراجانات انتخابية بلا ما نسمح للمرشّحين يطلعوا على المسرح قبل الانتخابات الأخيرة والرفاق متروكين بلا رعايه وبلا خدمات وبلا مساعدات شو صار دور الكتائب اليوم؟؟ مركز رصد الفساد والكوميسيونات؟؟ أم جمعيّة بيئية؟؟؟ هذا شغل رائع بس هيدا شغل المصالح مش شغل حزب عمره 83 سنة… وعندو 10 ألاف شهيد. هيدا مش حزب بيار وبشير الجميّل. مش حزب المؤسّسين والمناضلين والأجيال الكتائبية. هيدا دور جمعيات المجتمع المدني. لا يا رفاق، الكتائب غير هيك... الكتائب المدافعه عن نشوء لبنان، عن الصيغة، عن الميثاق، عن نموذج التعايش المسيحي الإسلامي، عن السيادة والاستقلال عن اللامركزية ما فينا نختصر دوره بمعركة النفايات.
وإذا كنا ككتائبيين منحترم شرعية الحزب، فالغالبية الساحقة من الكتائبيين غير موافقة على سياسة الحزب. شو عم تعمل لنحلّ مشكلة النزوح أو لنضغط على الدولة لتردن على بلدهم؟؟؟؟؟ نحن حزب وحدة المسيحيين نحن مش شغلتنا نعلق مع كلّ القيادات رموز المسيحية. مع مين بدنا نتفق؟؟؟
حزب الـ100 ألف بطاقه بلا ما خبركم قديش صرنا. يلي عم بيصير هو تبديد لإرث عريق... هو أنو ناس بلا خبرة حزبية وسياسية دايرين صرح مقدّس كان يعبّر عن الوجدان المسيحي والقضية اللبنانية، بصفوفنا في مئات الكفاءات العظيمة، لكن ممنوع يتقدّموا. كلّ شيء محصور بـ4 أو خمس أشخاص من دون خبرة سياسية وحزبية. أنا كتائبي ونقطة ع السطر ومش كلّ مرّة منحكي عن إصلاح الحزب وتقدّمو ونهضتو بيصير تخوين وتشكيك. هالعادة بدكن تغيّروها وما خلق يلّلي بدو يشكّك بكتائبية نديم الجميّل.
الجدير بالذكر أن المؤتمر الكتائبي العام يُكمل مداولاته اليوم السبت 16 شباط 2019، على أن يختتم المؤتمر أعماله غدًا الأحد بانتخاب رئيسٍ للحزب.

مقالات مشابهة

لقاء باسيل - بومبيو لم يكن إيجابياً: هذا ما دار في الكواليس

بعد "إشادة" جعجع... كيف ردّ جريصاتي؟

العالم يقطع طريق ترامب إلى الجولان

شاهدوا... مطعم القذافي في إسرائيل!

سرّ المختطفين لدى داعش لم ينجل: أين أخفاهم؟

هذا ما اتُفق عليه في "لجنة خطة الكهرباء"

يعقوبيان تخرج من "معركة" بحماية أمنية: ماذا حصل؟

اشتباك بروتوكولي مع بومبيو: هل يمهد لتصعيد؟

خاص - وزارة الداخلية: حادثة النافعة لن تمر!