سيمون أسمر يفجرها على الهواء.. وهكذا "قيّم" الفنانين بالاسماء
شارك هذا الخبر

Thursday, November 09, 2017

شارك المخرج سيمون أسمر في برنامج "المكتب الثاني" الذي يقدمه رجاء ورودولف على قناة ال mtv وقال أسمر "كنت أمسح الغبار في تلفزيون لبنان قبل أن أصبح مخرجاً ولا أخجل بماضيّ!".
وأضاف "لم أحارب الفنانين ولم أغلق بابي بوجه أحد.. من لم أساعده لم يكن يستحق"، وشدد "بعرف كل فنان من وين جايي وشو أصلو وفصلو".

وعن المخرجين قال "صرلي عشر سنين بقول باسم كريستو بيجنن.. هلأ ما بدي قول انو صار مش بيجنن؟ ما بدي احكي بالاسامي!"، ورأى "أن كميل طانيوس الاهم اليوم وعندو نبض حلو.. ولما كنت صوّر كل المخرجين كانوا يفوتوا يتفرجوا عشغلي!" أما المخرج "طوني قهوجي بيخلّص حالو.. بس وينو؟ عم يشتغل؟ وطبعاً ما اجا مطرحي بالـ lbc ".

وعن بعض المواقف التي كان تحصل معه، قال "خضعت لتهديدات على إيام استوديو الفن والوزير ميشال ادة تمنى عليي ادعم شخص وربحو بس ما وافقت! " ، وعن حادث أخرى "قلت للمنتجة رولا سعد: "بس انا احكي كلكن بتسكتوا وانتي من بيناتن" بأولى حلقات ستار اكاديمي". وكما لما فتح الباب لرئيس حزب القوات اللبنانية منوها "استجبت لطلب د. سمير جعجع وفتحتلو باب الـLbc تيفوت عليها.. طلب أعمل هيك تما يقولوا إنّو اقتحمها! ".

أما عن الفنانين فقال:

" نجوى كرم فيي وبلايي نجحت وصارت Star وأنا ساعدتها شوي مش كتير

أنا ضد اللي بتعملو أحلام ببرامج الهواة بتحرق المواهب بس تبالغ بالمديح!

باسمة طلعت فيلسوفة وبدا تشتغل عذوقا وطلّعت بوجا راقصة اسما باسمة.. ووينا هلأ باسمة؟

سمير صفير ملحن كويس.. ولما يقول إنّي مسؤول عن الفن الهابط بقلو: عم باخد من ألحانك!

نانسي عجرم قصدتني ورفضت أن اعمل لها لانها كانت تحت الـ١٨ ولم أقصد ان أبكيها!

سوزان تميم كانت أهم من نانسي عجرم في بداياتهما.. ولو بقيت حية لكانت الأولى!

اذا شفت فارس كرم بسلم عليه عادي.. واتنيناتنا اليوم طفرانين! بنبسط بنجاحو ونجاح وكل اللي اشتغلوا معي.

ما حاربت معين شريف.. ما حدا يحطا فيّي.. اللي ما نجح يشوف شو كانت المشكلة

احب لون وصوت واداء اصالة نصري ولهجتها السورية الجميلة!

وائل متلو متل كل الفنانين.. وما بشوفو.. كان لازم يطور من حالو كتير! اغاني وائل كفوري كلها نحيب ومش عاجبتني!

ما بعرف وين صار باسم فغالي.. مش شمتان فيه.. بس وينو اليوم؟

زعلان من راغب لان ما كان وفي لما قال انو والدتو باعت ارض وبعتتو ببداياتو عفرنسا ونكر اني ساعدتو! انا بعتت راغب عفرنسا تيشتغل.. شو هالحكي اللي بلا طعمة!

رامي عياش كتير اشتغل عصوتو.. مثابر جداً وايه اتطمن عني بمحنتي..

أنا ضد انو اليسا تعطي رايها السياسي.. وطبع اليسا ما بحبو لانها خوتة!

نوال بتقول انها بتموت فيي واني والدها الروحي وتلفون ما تلفنت وما خسرت تقول الحمدالله عالسلامة!

بفضّل ما اسمع البوم فيروز الجديد قالولي مش حلو! فيروز ما بينحكى عنها الا بالمنيح وعذبتنا لما اشتغلنا ولغيت مهرجانات الارز!

الاغنيا اللي بيملكوا مليارات ما ما كانوا قادرين يوقفوا جنب الصبوحة بنهايتها؟

ما اطلقت رامي عياش تحارب فيه وائل كفوري.. كل حدا منهن بمطرح وبمكان وبوقت

ولا حدا من نجوم لجان التحكيم ببرامج الهواة بيصلح يكون باللجنة.. كلن بدن لجنة! وحدو كاظم الساهر بيحقلو".


وعن المشاكل الاقتصادية التي واجهها، وفترة السجن، شدد أسمر انه "ما نصبت عالعالم.. بيتي بيسوى ٦ مليون دولار وبعد ما انباع تسدد ديوني! وكشف أن رجل أعمال ساعده بتسديد جزء من ديونه "وانا عطيت شيكات وما قدرت دفعتهن "


وهل أثر انتشار صورته عليه قال "ما اهتميت للصورة اللي سربوها من جوا السجن واللي نزلها واحد صغير بياخد عالصورة ١٠٠$ " وأشار الى انه ما عاتبت المسؤولين على موقع قناة @ALJADEEDNEWS انا اكبر من هيك! وأضاف أنه "طفران ومكسور بس روحي الإيجابية محافظ عليها.. وما رح ازعل ولا انتحر!"

وأسف أسمر لردة فعل الدولة بحقه واعتبرها "معيبة" قائلا "ما حدا وقف حدي لما انحبست!"










مقالات مشابهة

زوج شكران مرتجى ممثل شهير... هل تعرفون من يكون؟

حفل Christmas Reunion 5 مع ملحم زين، ناجي الاسطا، حازم الشريف، عباس جعفر

جوزيف عطية يطمئن جمهوره: كنا على مسافة قريبة جدّاً من مكان حصول إطلاق النار

اليسا تغرد عن جبران تويني... هذاما قالته

''میسا قرعه'' تُطلق حملة ألبومها الجدید من برج "كابیتول ریكوردز'' التاریخي في هولیوود

بالصور- رانيا يوسف بإطلالة مثيرة جديدة على غلاف مجلّة

كيم كاردشيان تعترف انها تنام بمكياجها وبثيابها الداخلية فقط!

بالصور- إيناس أبو عياش في سجن الأحداث في رومية مع النجوم

إطلاق مشروع نحن نروي قصتنا بين منظمة اليونسكو وجمعية تيرو للفنون